اسکاٹ لینڈ میں 30 سال قبل کھینچی گئی مبینہ اڑن طشتریوں کی واضح ترین تصویر عام کردی گئی، تصویر کو انگلینڈ کی شیفلڈ ہلم یونیورسٹی کی آرکائیوز کا حصہ بھی بنا دیا گیا ہے۔
مذکورہ تصویر 4 اگست 1990 کو چند اسکاٹش ہائیکرز نے کھینچی تھی، تصویر میں ہیرے کی ساخت جیسی ایک اڑن طشتری اور اس کے پیچھے طیارہ نما شے اڑتی دکھائی دے رہی ہے۔
ہائیکرز کا کہنا تھا کہ یہ شے 10 منٹ تک آسمان پر دکھائی دیتی رہی، اس کے بعد آسمان کی وسعتوں میں گم ہوگئی۔
- Advertisement -
تصویر کھینچے جانے کے بعد پہلے اسکاٹ لینڈ ڈیلی ریکارڈ نیوز پیپر کو دی گئی، اس کے بعد اسکاٹش وزارت دفاع کو دی گئی جس کے بعد سے یہ منظر سے غائب ہوگئی۔
اب یہ تصویر عوام کے لیے جاری کردی گئی ہے اور اسے انگلینڈ کی شیفلڈ ہلم یونیورسٹی کی آرکائیوز کا حصہ بھی بنا دیا گیا ہے۔
تصویر کھینچنے والے ہائیکرز کی شناخت خفیہ رکھی گئی ہے۔
