بھارت کے دارالحکومت نئی دہلی میں اندرا گاندھی انٹرنیشل ایئرپورٹ پر پولیس نے بین الاقوامی جعلی پاسپورٹ اور ویزے بنانے والے گروہ کو گرفتار کرلیا۔
میڈیا رپورٹس کے مطابق ایئرپورٹ پولیس نے بتایا کہ ملزمان کے قبضے سے 325 جعلی پاسپورٹ اور 175 ویزوں سمیت دیگر چیزیں برآمد ہوئی ہیں۔
مزید پڑھیں: جعلی پاسپورٹ پر برطانیہ جانے والا افغان مسافر گرفتار
پولیس نے بتایا کہ گروہ کے بارے میں اطلاع موصول ہوئی تھی جس کے بعد کارروائی کر کے ملزمان کو گرفتار کیا گیا۔
اس سے قبل پولیس نے گجرات سے تعلق رکھنے والے مسافر کے خلاف جعلی پاسپورٹ رکھنے پر مقدمہ درج کیا تھا۔ تحقیقات میں معلوم ہوا ہے کہ مذکورہ مسافر کو انہی ملزمان نے پاسپورٹ فراہم کیا تھا۔
