کراچی: معروف گلوکارہ نیرہ نور کے انتقال پر وزیر اعظم پاکستان شہباز شریف نے افسوس کا اظہار کرتے ہوئے کہا کہ نیرہ نور کا انتقال موسیقی کی دنیا کے لیے ایک ناقابل تلافی نقصان ہے۔
تفصیلات کے مطابق وزیر اعظم پاکستان شہباز شریف نے سماجی رابطے کی ویب سائٹ ٹویٹر پر معروف گلوکارہ نیرہ نور کے انتقال پر افسوس کا اظہار کیا۔
اپنے ٹویٹ میں وزیر اعظم نے لکھا کہ نامور گلوکارہ نیرہ نور کا انتقال موسیقی کی دنیا کے لیے ایک ناقابل تلافی نقصان ہے، وہ اپنی آواز میں ترنم اور سوز کی وجہ سے خاص پہچان رکھتی تھیں۔
نامور گلوکارہ نیرہ نور کا انتقال موسیقی کی دنیا کے لیے ایک نا قابل تلافی نقصان ہے۔ وہ اپنی آواز میں ترنم اور سوز کی وجہ سے خاص پہچان رکھتی تھیں۔ غزل ہو یا گیت جو بھی انہوں نے گایا کمال گایا۔ان کی وفات سے پیدا ہونے والا خلا کبھی پُر نہیں ہوگا۔ اللہ تعالی مرحومہ کو جنت میں جگہ دے۔
— Shehbaz Sharif (@CMShehbaz) August 21, 2022
وزیر اعظم نے کہا کہ غزل ہو یا گیت جو بھی انہوں نے گایا کمال گایا، ان کی وفات سے پیدا ہونے والا خلا کبھی پر نہیں ہوگا۔ اللہ تعالی مرحومہ کو جنت میں جگہ دے۔
خیال رہے کہ نیرہ نور آج صبح 72 سال کی عمر میں طویل علالت کے بعد انتقال کر گئیں، ان کی نماز جنازہ آج سہ پہر کراچی میں ادا کی جائے گی۔
