پاکستان تحریک انصاف کی رہنما اور سابق وفاقی وزیر شیریں مزاری کا کہنا ہے کہ سابق وزیر اعظم عمران خان کی تقریر کے دوران حکومت نے یوٹیوب بلاک کر دیا۔
شیریں مزاری نے ٹوئٹر پر جاری اپنے بیان میں کہا کہ پاکستان ٹیلی کمیونیکیشن اتھارٹی (پی ٹی اے) کے ذریعے اس وقت یوٹیوب بلاک کیا گیا جب عمران خان تقریر کر رہے تھے۔
سابق وفاقی وزیر نے کہا کہ یہ شرمناک حرکت ہمیں خاموش نہیں کر سکے گی، فاشزم اپنے عروج پر ہے، لفظ یقیناً تلوار سے زیادہ طاقتور ہے۔
Regime change conspirators so scared of Imran Khan that today in middle of IK speech they blocked YouTube thru PTA. Shameful! This will not silence us. Fascism at its peak as fear overwhelms the cabal of crooks & their string pullers! THE WORD IS CERTAINLY MIGHTIER THAN THE SWORD
— Shireen Mazari (@ShireenMazari1) August 21, 2022
واضح رہے کہ راولپنڈی میں پی ٹی آئی کے جلسے میں جب چیئرمین عمران خان نے تقریر شروع کی تو اس کے کچھ ہی دیر بعد صارفین کی یوٹیوب تک رسائی بند ہوگئی تھی۔ تقریر کے بعد یوٹیوب تک رسائی کو کھول دیا گیا۔
اس متعلق ٹوئٹر پر صارفین اور کچھ صحافیوں کی جانب سے یوٹیوب بلاک کیے جانے کی شکایات سامنے آئیں۔ صارفین کا کہنا تھا کہ حکومت نے پی ٹی آئی کے جلسے کی وجہ سے یوٹیوب کو جان بوجھ کر کیا۔
ٹوئٹر پر یوٹیوب ڈاؤن کے نام سے ٹرینڈ بھی بنا۔