کوک اسٹوڈیو کے گانے ’کنا یاری‘ میں اپنی آواز سے سحر طاری کرنے والے گلوکار عبدالوہاب بگٹی کی خصوصی معاونت کے لیے وزیر اعلیٰ بلوچستان عبدالقدوس بزنجو نے انتظامیہ کو احکامات جاری کر دیے۔
میڈیا رپورٹس کے مطابق وزیر اعلیٰ بلوچستان کے احکامات کے تحت عبدالوہاب بگٹی اور ان کے اہل خانہ کو ڈیرہ بگٹی سے ڈیرہ جمالی منتقل کر دیا گیا جہاں گلوکار کے دوست بھی مقیم ہیں۔ ان کے آٹھ بچے ہیں۔
بلوچستان میں حالیہ بارشوں کے نتیجے میں آنے والے چھوٹے اور بڑے سیلابی ریلوں نے تباہی مچا دی ہے۔ سیلاب میں کئی دیہات پورے کے پورے بہہ گئے۔
پی ڈی ایم اے بلوچستان کے مطابق اب تک 225 جانیں ضائع اور 26 ہزار سے زائد گھر تباہ ہوگئے۔
دوسری جانب برگیڈیئر مرتضیٰ اور ایف سی 75 ونگ کے کرنل احمد نے وہاب بگٹی سے ملاقات کی۔ انہوں نے گلوکار کے علاقے میں سیلاب متاثرین میں امدادی سامنا تقسیم کیا۔
کور کمانڈر بلوچستان جنرل آصف غفور کی ہدایات پر پاک فوج کی جانب سےکوک اسٹوڈیو پر مشہور بلوچی گانا "کناں یاری"گانے والے بلوچ فنکار عبدالوھاب بگٹی کو کیش رقم کی ادائیگی کےساتھ محفوظ مقام پر خاندان سمیت منتقل کردیا گیا.
گزشتہ دنوں سوشل میڈیا پر عبدالوھاب بگٹی نے مدد کی اپیل کی تھی. pic.twitter.com/w4pbPjPLMQ— Progressive Balochistan (@ProgressiveBal1) August 23, 2022