ممبئی : بھارتی کرکٹر رشبھ پنت اور بالی ووڈ اداکارہ اروشی روتیلا کے درمیان ہونے والے تنازع کا آج کل سوشل میڈیا پر خوب چرچا ہے۔
اداکارہ اروشی روتیلا کی جانب سے سوشل میڈیا پر کی گئی ایک پوسٹ نے ان کے مداحوں کو نئی بحث میں ڈال دیا ہے، جس میں اداکارہ نے اپنے مبینہ سابق دوست رشبھ پنت کو تنقید کا نشانہ بنایا ہے۔
دونوں شخصیات فوٹو شیئرنگ ویب سائٹ انسٹا گرام پر یکے بعد دیگرے ایک دوسرے پر تنقید کر رہے ہیں اور مداح انہیں ایسا کرنے پر ٹرول کر رہے ہیں۔
بھارتی اداکارہ اروشی نے گزشتہ روز ایک ذومعنی کیپشن کے ساتھ ایک ویڈیو شیئر کی اور رشبھ پنت پر تنقید کی جس کے بعد مداح اس پر ردعمل دے رہے ہیں۔
انہوں نے مبینہ طور پر رشبھ پنت کو مخاطب کرتے ہوئے لکھا کہ ’میں نے کہانی کا اپنا پہلو نہ بتا کر آپ کی ساکھ بچائی ہے‘۔
انسٹاگرام کی ویڈیو پر اپنا ردعمل دیتے ہوئے ایک صارف نے تبصرہ کیا کہ یہ عورت آج بھی رشبھ پنت کے یاد میں پاگل ہے، ایک صارف نے کہا کہ رشبھ پنت بھائی آپ کی بات چل رہی ہے🤔۔ تیسرے صارف نے تبصرہ کیا کہ میم رشبھ کو چھوڑ دو اب بات ختم کرو۔
واضح رہے کہ بھارتی خوبرو اداکارہ اروشی سوشل میڈیا سائٹ انسٹاگرام پر 54 ملین سے زیادہ فالوورز کے ساتھ کافی مقبول اور متحرک ہیں، وہ اپنے مداحوں کو اپنی روزمرہ کی زندگی کی مصروفیات سے آگاہ کرتی رہتی ہیں۔
