کراچی: قومی ٹیم کے سابق کپتان سرفراز احمد نے خاتون صحافی کو کھری کھری سنا دیں.
ایشیا کپ کے ہائی وولٹیج ٹاکرے میں گزشتہ روز بھارت نے پاکستان کو سنسنی خیز مقابلے کے بعد 5 وکٹوں سے شکست دی ، قومی بولرز نے 148 رنز کا ہدف بھی بھارتی سورماوں کے لیے مشکل بنا دیا جبکہ ہاردک پانڈیا نے آخری اوور میں چھکا لگا کر بھارت کو کامیابی دلوائی.
میچ کے اختتامی لمحات میں قومی فاسٹ بولر نسیم شاہ نے انجرڈ ہونے کے باوجود شاندار بولنگ کی اور اپنے چار اوورز میں 2 وکٹیں بھی حاصل کیں۔
میچ کے اختتام پر سابق کرکٹرز اور شائقین کرکٹ کی جانب سے قومی ٹیم کی کارکردگی کی تعریف کی گئی۔
لیکن ایک خاتون صحافی نے قومی ٹیم کی کارکردگی پر تنقید کی تو سابق کپتان سرفراز احمد خاموش نہ رہ سکے اور انہیں کھری کھری سنادیں۔
سرفراز احمد نے ٹویٹر پر لکھا کہ ’ سلو اوور ریٹ کی وجہ سے 17ویں اوور میں بطور پنلٹی 5 فیلڈرز سرکل میں کھڑے کیے گئے تھے لیکن ایک نام نہاد خاتون صحافی فائٹ میچ کے بعد بھی نیشنل ٹی وی پر بیٹھ کر کہہ رہی ہیں کہ نہ رنز کرتے ہیں نہ کیچ پکڑتے ہیں کمال ہے۔
Pak had the disadvantage after 17th over 5 fielders were inside the circle cuz of slow over rate & 1 of the so called female journalist on national Tv bashing Pakistan team after a fighting match & saying na run karte hai na catch pakarte hai kamal hai bhi🤷♂️ #headsUpBoys 🇵🇰
— Sarfaraz Ahmed (@SarfarazA_54) August 28, 2022
سابق کپتان نے ’ہیڈزاپ بوائز’ کا ہیش ٹیگ بنا کر ساتھی کھلاڑیوں کی حوصلہ افزائی بھی کی۔