ترجمان پاک فضائیہ نے کہا ہے کہ سیلاب متاثرین کی بحالی کیلئے خیبرپختونخوا سندھ، بلوچستان ،جنوبی پنجاب میں امدادی کارروائیاں جاری ہیں۔
پاک فضائیہ کی ایمرجنسی رسپانس ٹیمیں وادی نلتر، کے پی اور سندھ کے مختلف شہروں میں سول انتظامیہ کی ہر ممکن مدد کررہی ہیں۔
مذکورہ ٹیمیں صوبہ بلوچستان،جنوبی پنجاب کے متاثرہ علاقوں میں متاثرین کی بحالی کیلئے مقامی انتظامیہ کے ساتھ مل کر فلاحی کاموں میں مصروف عمل ہیں۔
ترجمان پاک فضائیہ کے مطابق ایئروائس مارشل ظفر اسلم اور ایئر آفیسر کمانڈنگ سینٹرل ائیرکمانڈ نے فلڈٖ ریلیف کیمپ کا معائنہ کیا اور اہلکاروں کو ہدایات دیں۔
اس کے علاوہ ضلع راجن پور میں واقع پی اے ایف فلڈ فلڈٖ ریلیف کیمپ کا بھی معائنہ کیا گیا، گزشتہ 24گھنٹے میں5570پکے ہوئےکھانے کے ڈبے، 1260پانی کی بوتلیں تقسیم کی گئیں۔
ترجمان پاک فضائیہ کا کہنا ہے کہ امدادی کارروائیوں کے دوران متاثرین میں 2314راشن پیکٹ تقسیم کیے گئے جن میں بنیادی اشیائے خورونوش تھیں۔
متاثرین کو مفت خوراک اور رہائش فراہم کی جا رہی ہے، اس کے علاوہ فیلڈ میڈیکل کیمپوں میں787مریضوں کا طبی معائنہ بھی کیا گیا۔
