قومی ٹیم کے سابق کپتان سرفراز احمد کو نیشنل ٹی 20 کپ میں نامناسب رویہ اپنانا مہنگا پڑ گیا۔
تفصیلات کے مطابق نیشنل ٹی 20 کپ میں بلوچستان کے خلاف میچ کے دوران سابق کپتان سرفراز احمد نے غیر مہذب زبان استعمال کی جس پر انہیں جرمانہ کیا گیا ہے۔
سرفراز احمد 17ویں اوورز میں کاشف بھٹی کی گیند پر آؤٹ ہوئے تو انہوں نے غیرمہذب زبان استعمال کی۔
- Advertisement -
قومی ٹیم کے سابق کپتان سرفراز احمد پی سی بی لیول ون کی خلاف ورزی کے مرتکب پائے گئے۔
پی سی بی کے مطابق سرفراز احمد پر میچ فیس کا 30 فیصد جرمانہ عائد کیا گیا ہے۔
واضح رہے کہ بلوچستان نے سندھ کی ٹیم کو 5 وکٹوں سے شکست دے کر ایونٹ میں مسلسل دوسری کامیابی حاصل کرلی ہے۔
