اسلام آباد: ملک بھر میں کرونا وائرس کے کیسز میں کمی دیکھی گئی، گزشتہ 24 گھنٹوں کے دوران کرونا وائرس کے نئے رپورٹ کیسز کی تعداد 200 سے زائد رہی۔
تفصیلات کے مطابق نیشنل انسٹی ٹیوٹ آف ہیلتھ کا کہنا ہے کہ گزشتہ 24 گھنٹوں کے دوران کرونا وائرس سے 2 مریض جاں بحق ہوگئے، کرونا وائرس سے مجموعی اموات کی تعداد 30 ہزار 588 ہوچکی ہے۔
این آئی ایچ کا کہنا ہے کہ گزشتہ 24 گھنٹوں کے دوران کرونا وائرس کے 251 نئے کیسز رپورٹ ہوئے جس کے بعد ملک میں کووڈ 19 کے مجموعی کیسز کی تعداد 15 لاکھ 69 ہزار 788 ہوگئی۔
ملک میں کرونا وائرس سے صحت یاب مریضوں کی مجموعی تعداد 15 لاکھ 30 ہزار 962 ہوچکی ہے۔
این آئی ایچ کے مطابق گزشتہ 24 گھنٹوں کے دوران کرونا وائرس کے 17 ہزار 207 ٹیسٹ کیے گئے، اب تک ملک میں 3 کروڑ 1 لاکھ 59 ہزار 730 کووڈ 19 ٹیسٹ ہوچکے ہیں۔
این آئی ایچ کا کہنا ہے کہ ملک بھر میں کرونا وائرس کے مثبت کیسز کی شرح 1.46 فیصد رہی، ملک بھر کے 631 اسپتالوں میں کرونا وائرس کے 110 مریض تشویشناک حالت میں ہیں۔
ویکسی نیشن کی صورتحال
ملک میں اب تک 13 کروڑ 91 لاکھ 65 ہزار 861 افراد کو ویکسین کی ایک ڈوز جبکہ 13 کروڑ 12 لاکھ 2 ہزار 811 افراد کو ویکسین کی دونوں ڈوزز لگائی جا چکی ہیں۔
