اشتہار

پاک بحریہ نے سیلاب متاثرین کو ’ہوور کرافٹس‘ کے ذریعے نکالا

اشتہار

حیرت انگیز

کراچی : پاکستان کے سیلاب متاثرہ مختلف علاقوں میں پاک بحریہ کی امدادی سرگرمیاں تواتر سے جاری ہیں، سیلاب متاثرین کو پاک بحریہ کے ہوور کرافٹس کے ذریعے نکالا گیا۔

تفصیلات کے مطابق پنجاب، سندھ، کے پی کے سیلاب متاثرہ علاقوں میں متاثرین کی بحالی اور ان کو غذائی اجناس کی فراہمی کے لیے  پاک بحریہ کا امدادی آپریشن جاری ہے۔

ترجمان پاک بحریہ کا کہنا ہے کہ دادو میں سیلابی پانی میں گھرے افراد کے انخلا کے لئے دو ہوور کرافٹس بھی تعینات کیے گئے۔

- Advertisement -

ہوورکرافٹ نے خیرپور ناتھن شاہ کے گوٹھ احمد خان چانڈیو سے23 افراد کو نکال کر محفوظ مقام پرمنتقل کیا، پاک بحریہ ہیلی کاپٹرز اور کشتیوں سے بھی سیلاب زدہ علاقوں سے لوگوں کو محفوظ مقامات تک پہنچارہی ہے۔

ترجمان کے مطابق پاک بحریہ کی امدادی ٹیمیں متاثرین کو راشن، طبی امداد، ادویات بھی مہیا کررہی ہیں۔ راجن پور، ڈی آئی خان، میرپورخاص، سکھر، سانگھڑ، سجاول میں بھی ریلیف اینڈ ریسکیو آپریشن جاری ہے۔

ترجمان نے اس عزم کا اظہار کیا ہے کہ پاک بحریہ اس مشکل میں گھرے ہم وطنوں کی مدد کے لئے ہمہ وقت تیار اور پر عزم ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں