لاہور : جناح اسپتال کے آپریشن تھیٹرمیں آگ لگ گئی تاہم مریضوں کو وارڈز سے نکال کر دوسرے وارڈز میں منتقل کر دیا گیا۔
تفصیلات کے مطابق لاہور میں جناح اسپتال کے آپریشن تھیٹر میں اچانک آگ لگ گئی اور دیکھتے ہی دیکھتے آگ نے دوسری منزل کو بھی اپنی لپیٹ میں لے لیا۔
آگ لگنے سے اسپتال کے تمام وارڈز میں دھواں پھیل گیا اور مریضوں کو وارڈز سے نکال کر دوسرے وارڈز میں منتقل کیا گیا۔
ریسکیو کی بارہ گاڑیوں نے آگ پر قابو پایا اور کولنگ کا عمل جاری ہے۔
وزیراعلی ٰپنجاب پرویز الہیٰ نے جناح اسپتال کے آپریشن تھیٹر میں آگ لگنے کا نوٹس لیتے ہوئے سیکرٹری اسپیشلائزڈ ہیلتھ کیئر اینڈ میڈیکل کیئر سے رپورٹ طلب کرلی۔
پرویز الہیٰ نے غفلت کے ذمہ داروں کا تعین کرنے کی بھی ہدایت جاری کی۔
