لاہور: پاکستان تحریکِ انصاف کی اعلیٰ قیادت کو بجلی کے بل جمع نہ کرانے پر لیسکو کی جانب سے نوٹس جاری کردیا گیا ہے۔
تحریکِ انصاف کے چیئرمین عمران خان نے سول نافرمانی کی تحریک چلانے کے بعد بجلی کے بل جمع نہ کرانے کا اعلان کیا تھا، جس کے بعد عمران خان نے سول نافرمانی کی تحریک پر عمل کرتے ہوئے لاہور کے علاقے زمان پارک میں اپنے گھر کا بل ادا نہیں کیا، جس کی عدم ادائیگی پرلیسکو نے عمران خان کے گھر کے تین میٹرغیرقانونی قراردے دیئے ہیں۔
لیسکو حکام کی جانب سے عمران خان سے میٹرز کی وضاحت طلب کر لی گئی ہے، لیسکو نے بذریعہ کوریئرعمران خان کونوٹس بھیجا ہے، جس میں کہا گیا ہے کہ دس دن میں جواب نہ ملا تو بجلی کے میٹرز ہٹالئے جائینگے۔
