کینیڈا میں 10 شہریوں کو موت کے گھاٹ اتارنے والے خطرناک قاتل کی گرفتاری کے فوراً بعد موت واقع ہوگئی۔
غیر ملکی میڈیا کے مطابق قاتل مائلز سینڈرسن نے چاقو کے وار سے 10 شہریوں کو قتل اور 19 سے زائد کو زخمی کیا۔ اس کی پولیس حراست میں طبی پیچیدگیوں کی وجہ سے موت ہوئی۔
پولیس کا کہنا ہے کہ قاتل کے مرنے کے بعد اب شہریوں کو موت کے گھاٹ اتارنے کی وجہ کبھی معلوم نہیں ہو سکے گی، اس سے قبل بھی ایک قاتل مر چکا ہے۔
پولیس قاتل کے خلاف 120 سے زائد گواہوں کے بیانات قلم بند کر چکی ہے لیکن اب اس کی موت ہونے کے بعد کیسز کو بند کرنے کا امکان ہے۔
پولیس کا کہنا ہے کہ تفتیش جاری ہے اور مزید تفصیلات سامنے آئیں گی، عوام سے کیس سے متعلق معلومات شیئر کرنے کی درخواست ہے۔
