اسلام آباد: امریکا اور متحدہ عرب امارات سے امدادی سامان لانے والی مزید 2، 2 پروازیں پاکستان پہنچ گئی ہیں۔
ترجمان دفتر خارجہ کے مطابق سیلاب متاثرین کے لیے دوست ممالک سے امدادی پروازوں کی آمد کا سلسلہ جاری ہے، اب تک مختلف ممالک سے 68 پروازیں پاکستان پہنچ چکی ہیں۔
ترجمان دفتر خارجہ کا کہنا ہے کہ متحدہ عرب امارات سے اب تک 31 پروازوں کی صورت میں امداد پاکستان پہنچ چکی ہے، جب کہ امریکا سے اب تک 7 پروازوں کی امداد پہنچی۔
ترجمان کے مطابق ترکی سے اب تک 11 پروازوں کی امداد پاکستان پہنچ چکی ہے، چین سے 4 پروازوں کی امداد، جب کہ قطر، ازبکستان، اردن، ترکمانستان اور فرانس سے بھی طیارے امداد لے کر پاکستان پہنچ چکے ہیں۔
