ممبئی : پاکستانی کرکٹر نسیم شاہ کے حوالے سے بھارتی ماڈل و اداکارہ اورشی روٹیلا کی جانب سے سوشل میڈیا پر پوسٹ کی گئی ویڈیو پر اداکارہ نے خاموشی توڑ دی۔
تفصیلات کے مطابق اروشی روٹیلا نے ایک فین پیچ سے شیئر کی گئی ایڈٹ ویڈیو کو اپنی انسٹاگرام اسٹوری پر شیئر کیا جس سے بظاہر یہ تاثر پھیلا کہ بھارتی اداکارہ بھی فاسٹ بولر نسیم شاہ سے متاثر ہیں۔
اب اس حوالے سے ان کا وضاحتی بیان بھی سامنے آگیا ہے، جس کے بعد نسیم شاہ اور اداکارہ کے درمیان پھیلنے والی افواہیں دم توڑ گئیں۔
اروشی روٹیلا کی جانب سے شیئر کی گئی انسٹاگرام پوسٹ میں ان کا کہنا ہے کہ کچھ دن قبل میری ٹیم نے فینز کی ایڈیٹ کی گئی تمام خوبصورت ویڈیوز شیئر کیں۔
Urvashi Rautela posted a video of herself and Naseem Shah on her Instagram story😂😂 pic.twitter.com/yH87gzEvH6
— Fatimah (@zkii25) September 6, 2022
ان ویڈیوز کے بارے کسی کو علم نہیں تھا کہ ویڈیوز میں کون کون لوگ ہیں، تاہم میری میڈیا سے درخواست ہے کہ برائے مہربانی کسی بھی قسم کی خبریں بنانے سے گریز کریں۔
یادرہے کہ اس سے قبل پاکستانی فاسٹ بالر نسیم شاہ کی جانب سے بھارتی ماڈل گرل اروشی روٹیلا کے حوالے سے لاعلمی کا اظہار کیا گیا تھا۔
