اسلام آباد : وزیراعظم شہباز شریف ملکہ برطانیہ کی آخری رسومات میں شریک ہوں گے، آنجہانی ملکہ الزبتھ کی آخری رسوم انیس ستمبر کو ادا کی جائیں گی۔
تفصیلات کے مطابق وزیراعظم شہباز شریف 17ستمبر کو لندن روانہ ہوں گے، دورہ لندن میں ملکہ بر طانیہ کی آخری رسومات میں شریک ہوں گے۔
ذرائع نے بتایا کہ لندن کے 2 روزہ دورے میں وہ سیاسی ملاقاتیں کریں گے۔
یاد رہے آنجہانی ملکہ الزبتھ کی آخری رسوم انیس ستمبر کو ادا کی جائیں گی، جس میں امریکی صدر جوزف بائیڈن، جاپان کے لیڈر سمیت دیگر ممالک کے رہنما شریک ہوں گے۔
آنجہانی ملکہ برطانیہ کا تابوت ویسٹ منسٹر ہال پہنچ گیا، تابوت کے جلوس کی قیادت کنگ چارلس سوم نے کی، وسیٹ منسٹر ہال میں دعائیہ تقریب میں شاہی خاندان کے تمام افراد شریک ہوئے۔
اپنی محبوب ملکہ کے آخری دیدار کے لیے طویل قطاریں لگ گئیں، تابوت چار دن تک ویسٹ منسٹر ہال میں رہے گا، جہاں شہری چوبیس گھنٹے ملکہ کا آخری دیدارکرسکیں گے۔
