لاہور: مون سون کی بارشوں کے بعد صوبہ پنجاب میں ڈینگی وائرس کا پھیلاؤ زوروں پر ہے، اب تک صوبے میں 3 ہزار سے زائد کیسز رپورٹ ہوچکے ہیں۔

تفصیلات کے مطابق صوبہ پنجاب میں گزشتہ 24 گھنٹے کے دوران ڈینگی کے 188 کیسز رپورٹ ہوئے۔

سیکریٹری صحت کا کہنا ہے کہ 24 گھنٹوں کے دوران راولپنڈی سے 80، لاہور سے 62، گوجرانولہ سے 14 جبکہ قصور، چکوال، مظفر گڑھ اور بہاولپور سے 4 ڈینگی کیسز رپورٹ ہوئے۔

سیکریٹری صحت کے ممطابق رواں سال پنجاب میں ڈینگی کے 3 ہزار 101 مریض رپورٹ ہوچکے ہیں، صرف لاہور سے ڈینگی کے کل 12 سو 77 کیسز سامنے آئے۔