ممبئی: بالی وڈ کے سُپر اسٹار شاہ رخ خان نے بھارت کے وزیر اعظم نریندر مودی کو وزارت عظمیٰ کے منصب سے چھٹی لینے کا مشورہ دے دیا۔
بھارتی میڈیا کے مطابق آج 17 ستمبر کو نریندر مودی اپنی 72ویں سالگرہ منا رہے ہیں۔ شاہ رخ خان سمیت دیگر بالی وڈ شخصیات نے انہیں سالگرہ کی مبارکباد پیش کی۔
مزید پڑھیں: بھارت میں مودی کی سالگرہ کا دن ’یوم بے روزگاری‘ قرار
شاہ رخ خان نے ٹوئٹر پیغام میں لکھا: ’ملک اور اس کے عوام کی فلاح و بہبود کے لیے آپ کی لگن قابلِ تعریف ہے، دعا ہے آپ کو اپنے تمام اہداف حاصل کرنے کے لیے طاقت اور صحت نصیب ہو۔
اداکارہ نے لکھا کہ آپ منصب سے ایک دن کی چھٹی لیں اور اپنی سالگرہ کے دن سے لطف اٹھائیں۔
Your dedication for the welfare of our country and its people is highly appreciated. May you have the strength and health to achieve all your goals. Take a day off and enjoy your Birthday, sir. Happy Birthday @narendramodi
— Shah Rukh Khan (@iamsrk) September 17, 2022
شاہ رخ خان کی مبارکباد اور چھٹی لینے کے مشورے پر سوشل میڈیا صارفین کی طرف سے ملا جھلا ردعمل سامنے آیا۔
ایک ٹوئٹر صارف نے لکھا کہ اگر نریندر مودی نے آپ کی تجویز پر عمل کر بھی لیا تو وہ آپ کی کوئی فلم دیکھ کر اپنا وقت ضائع نہیں کریں گے۔
دوسرے نے لکھا: ’اس سے پہلے تو آپ نے انہیں کبھی سالگرہ کی مبارکباد نہیں دی، یہ اچانک تبدیلی کیسے آگئی؟ شاہد آپ کی فلم ’پٹھان‘ ریلیز ہونے والی ہے اس لیے‘۔
