اشتہار

ممنوعہ فنڈنگ کیس میں‌ پی ٹی آئی کو مزید 4 ہفتوں‌ کی مہلت مل گئی

اشتہار

حیرت انگیز

اسلام آباد: تحریک انصاف ممنوعہ فنڈنگ کیس پر پی ٹی آئی کو جواب جمع کروانے کے لیے مزید چار ہفتوں کی مہلت مل گئی۔.

اے آر وائی نیوز کے مطابق الیکشن کمیشن میں پی ٹی آئی ممنوعہ فنڈ کیس کی سماعت ہوئی جس میں‌ تحریک انصاف نے عبوری جواب جمع کروایا جبکہ مکمل جواب جمع کروانے کے لیے 8 ہفتے کا وقت مانگ لیا.

وکیل پی‌ ٹی آئی شاہ خاور نے کہا کہ 10 سال پرانا ریکارڈ ہے جو دیگر ملکوں سے منگوایا گیا ہے کئی پاکستانی شہریوں کو غیرملکی قرار دیا گیا ہے کمیشن نے پی ٹی آئی یو ایس اے کو بھی غیرملکی کمپنی قرار دیا ہے.

- Advertisement -

انہوں‌ نے کہا کہ مزید ریکارڈ آ جائے تو کمیشن کے ہر سوال کا جواب دے سکیں گے جہاں اتنا وقت گزار ہے مزید دو ماہ بھی دے دیں.

چیف الیکشن کمشنر نے کہا کہ امریکا میں رجسٹرڈ کمپنی غیرملکی کمپنی ہی ہوگی امریکی قانون کے ساتھ پاکستانی قانون پربھی عمل کرنا ہے اگر فیصلے پر اعتراض ہے تو اسے چیلنج کر دیں.

انہوں‌ نے کہا کہ اگر فیصلے میں کوئی غلطی ہے تو اسکی تصحیح کر سکتے ہیں پہلے بھی ہفتوں‌ کی بات کرتے کرتے آٹھ سال لگ ئیے ہیں‌ ہم چار ہفتے سے زیادہ کا وقت نہیں‌ دے سکتے.

پی ٹی آئی کے وکیل شاہ خاور کی استدعا پر الیکشن کمیشن نے سماعت 6 نومبر تک ملتوی کر دی.

Comments

اہم ترین

مزید خبریں