اسلام آباد: ایشیائی ترقیاتی بینک نے خطرے کی گھنٹی بجا دی اور خدشہ ظاہر کیا ہے کہ پاکستان میں معاشی ترقی کی شرح بُری طرح متاثر ہو سکتی ہے۔
ایشیائی ترقیاتی بینک نے رواں مالی سال کے دوران پاکستان کی معاشی گروتھ میں کمی کی پیش گوئی کی ہے۔ اس کا کہنا ہے کہ رواں مالی سال پاکستان کی معاشی شرح نمو 3.5 فیصد رہ سکتی ہے۔
سیلاب اور بیرونی ادائیگیوں کے دباؤ کے باعث معاشی شرح نمو میں کمی کا خدشہ ہے۔ گزشتہ مالی سال کے دوران 6.0 فیصد کی معاشی شرح نمو ریکارڈ کی گئی تھی۔
کچھ روز قبل ماہر معاشیات مزمل اسلم نے حکومت کی معاشی پالیسیوں پر تنقید کرتے ہوئے کہا تھا کہ تجربہ کار معاشی ٹیم 6 فیصد کی گروتھ کو 0.6 فیصد پر لے آئی ہے۔
انہوں نے اپنے ٹوئٹر پر جاری بیان میں کہا تھا کہ بلومبرگ اب رواں سال پاکستان کی شرح نمو 0.6 فیصد توقع کر رہا ہے، یعنی تجربہ کار معاشی ٹیم 6 فیصد کی گروتھ 0.6 فیصد پر لے آئی ہے۔
ان کا کہنا تھا کہ بلومبرگ اکنامکس کے مطابق سیلاب سے ساڑھے 8 ارب ڈالر کے نقصانات ہوئے، پاکستان کی جی ڈی پی گروتھ تین چوتھائی سے زیادہ کم ہوگی۔
Bloomberg economics now expects growth to ground at 0.6%. What a fall from 6% to 0.6%. The experience team brought economy into decimals.
* Bloomberg Economics estimates flooding will cost roughly $8.5
billion in lost output, erasing more than three-quarters of
Pakistan’s GDP— Muzzammil Aslam (@MuzzammilAslam3) September 6, 2022
