کراچی : پولیس کی نئی شاہین فورس نے شہری سے چھینا گیا موبائل فون چوبیس گھنٹے میں برآمد کرلیا۔
تفصیلات کے مطابق کراچی پولیس کی نئی شاہین فورس نے کلفٹن کے علاقے میں کارروائی کرتے ہوئے شہری سے چھینا گیا موبائل فون 24 گھنٹے میں برآمد کرکے ملزمان کو گرفتار کرلیا۔
ملزمان نےگزشتہ روزکلفٹن کےشاپنگ مال کےقریب شہری کولوٹا تھا ، 2 ملزمان شہری سے 2 موبائل فون اورنقدی چھین کر فرار ہوگئے تھے۔
واقعے کی سی سی ٹی وی فوٹیج بھی سامنے آئی تھی ، جس میں ملزمان کوشہری سےواردات کرتےدیکھا جا سکتا تھا۔
حکام کا کہنا تھا کہ کلفٹن پولیس نے واقعے کا مقدمہ درج کرکےملزمان کو تلاش کیا ، گرفتارملزمان کی شناخت انیس اور شہزادکے نام سے ہوئی۔
خیال رہے کراچی میں اسٹریٹ کرمنلز کے خلاف مؤثر ایکشن کے لئے شاہین فورس متعارف کرا دی گئی تھی۔
