حجاب نہ پہننے پر ایران کے صدر نے خاتون اینکر کو انٹرویو دینے سے انکار کر دیا۔
بین الاقوامی میڈیا رپورٹس کے مطابق اقوام متحدہ کی جنرل اسمبلی اجلاس کے موقع پر نیویارک میں سی سی این کی معروف اینکر کرسچن امانپور کی جانب سے حجاب سے انکار پر ایرانی صدر نے ان کے ساتھ طے شدہ انٹرویو منسوخ کر دیا۔
سی این این کی چیف انٹرنیشنل اینکر جو ماضی میں کئی بار ایرانی صدور کا انٹرویو کر چکی ہیں انہیں حجاب کرنے کا مشورہ دیا گیا جس پر انہوں نے صاف انکار کر دیا۔
ٹوئٹر پر اینکر نے انٹرویو کے لیے رکھی گئی خالی کرسی کے ساتھ تصویر شیئر کرتے ہوئے لکھا کہ چونکہ وہ اس وقت نیویارک میں موجود ہیں اس لیے ان پر کوئی ایسا قانون لاگو نہیں ہوتا کہ وہ حجاب کریں۔
And so we walked away. The interview didn’t happen. As protests continue in Iran and people are being killed, it would have been an important moment to speak with President Raisi. 7/7 pic.twitter.com/kMFyQY99Zh
— Christiane Amanpour (@amanpour) September 22, 2022
انہوں نے لکھا کہ اقوام متحدہ کی جنرل اسمبلی اجلاس کے موقع پر ایرانی صدر ابراہیم رئیسی کا یہ کسی بھی میڈیا کو دیا جانے والا پہلا انٹرویو تھا، ہم نے بھرپور تیاری کی تھی تاہم مقررہ وقت سے قبل ایرانی صدر کے اسٹاف سے حجاب کا پیغام موصول ہوا جس پر انہوں نے ہیڈاسکارف لینے سے انکار کر دیا۔
واضح رہے کہ اس وقت ایران میں حجاب کے خلاف مظاہروں میں شدت آگئی ہے اور حکومت مخالف احجاج کئی شہروں تک پھیل گیا ہے۔
