لندن : سابق وزیرخزانہ اسحاق ڈار نے سات اکتوبر سے پہلے وطن واپسی کی تصدیق کردی۔
تفصیلات کے مطابق سابق وزیرخزانہ اسحاق ڈار نے سات اکتوبرسےپہلےوطن واپسی کی تصدیق کرتے ہوئے کہا ہے کہ اگلے ہفتے کے اختتام تک پاکستان آؤں گا۔
اسحاق ڈار کا کہنا تھا کہ شہبازشریف لندن آرہے ہیں، نوازشریف اورشہبازشریف سےمشورہ کرکے جوبھی فیصلہ ہوگا اس پرعمل کروں گا۔
- Advertisement -
سابق وزیر خزانہ نے مزید کہا کہ وطن واپسی پر سینیٹ کی رکنیت کا حلف بھی اٹھاؤں گا۔
یاد رہے گذشتہ روز احتساب عدالت نے اسحاق ڈار کے دائمی وارنٹ گرفتاری معطل کردیئے تھے، اسحاق ڈار کے دائمی وارنٹ 7اکتوبرتک معطل کئے گئے۔
عدالت نے کہا تھا کہ وارنٹ گرفتاری مکمل طور پرکینسل اسوقت ہوں گے جب ملزم پیش ہوگا۔
