میڈرڈ: فرانس کے مونٹ پیلیئر سٹی ایئرپورٹ پر طیارہ خوفناک حادثے سے بال بال بچ گیا جبکہ طیارے کو حادثہ لینڈنگ کے دوران پیش آیا۔
غیرملکی میڈیا رپورٹ کے مطابق فرانس کے مونٹ پیلیئر سٹی ایئرپورٹ پر لینڈنگ کے دوران کارگو طیارہ پھسلتا ہوا جھیل میں آدھا ڈوب گیا تاہم حادثے میں خوش قسمتی سے کوئی جانی نقصان نہیں ہوا۔
بوئنگ 737 نے گزشتہ روز پیرس کے چارلس ڈی گال ہوائی اڈے سے مونٹ پیلیئر کے لیے اڑان بھری تھی۔ اس دوران مونٹ پیلیئر ایئرپورٹ پر لینڈنگ کے دوران طیارہ رن وے سے آگے نکل گیا اور قریبی جھیل میں ڈوب گیا طیارے میں سوار تینوں افراد کو بچا لیا گیا ہے۔
✈️ Sortie de piste du Boeing 737 @MPLaeroport #Montpellier
Point de situation ce soir ⤵️
🔍 communiqué de presse du préfet de l’#Hérault : https://t.co/Ky22OgmUQw pic.twitter.com/miVUjnv2JP— Préfet de l’Hérault 🇫🇷 (@Prefet34) September 24, 2022
حادثے کی تصاویر سوشل میڈیا پر وائرل ہوگئیں جس میں طیارے کا آدھا حصہ پانی میں ڈوبا دیکھا جاسکتا ہے جبکہ اس کا انجن میں پانی میں موجود ہے۔
رپورٹ کے مطابق طیارے کو فوری طور پر پانی سے نہیں نکالا جاسکا ہے جبکہ امدادی کارروائیاں جاری ہیں۔
حادثے کی وجہ تاحال معلوم نہیں ہوسکی ہیں جبکہ محکمہ ہیرالٹ کا کہنا ہے کہ طیارے میں سوار تینوں افراد کو کوئی نقصان نہیں پہنچا ہے۔
فلائٹ ریڈار 24 کے مطابق حادثے کے بعد رن وے بند ہونے کی وجہ سے درجنوں پروازیں منسوخ کردی گئیں۔
رپورٹ میں بتایا گیا ہے کہ طیارہ تقریباً 30 سال پرانا بوئنگ 737-400 ہے اور یہ میڈرڈ باراجاس ہوائی اڈے پر واقع ہسپانوی کیریئر سوئفٹ ایئر کے ذریعہ چلایا جاتا ہے۔
❌✈️ Cette nuit un avion de fret en phase d’atterrissage à l’aéroport de #Montpellier est sorti de la piste.
Pas de blessé.
⚠️ L’aéroport de Montpellier @MPLaeroport est fermé pour une durée indéterminée aux vols commerciaux et aux vols de fret.
ℹ️ Communiqué de presse ⤵️ pic.twitter.com/jej7aVd2Wl— Préfet de l’Hérault 🇫🇷 (@Prefet34) September 24, 2022
