اسلام آباد: ملک میں کرونا وائرس کیسز کا گراف نیچے آ گیا ہے، گزشتہ 3 دنوں میں ملک بھر میں مثبت کیسز کی تعداد 141 رہی۔
نیشنل انسٹیٹیوٹ آف ہیلتھ پاکستان کے مطابق ملک میں کرونا وائرس کے کیسز میں نمایاں کمی آ چکی ہے، گزشتہ 3 دنوں میں کووِڈ نائنٹین سے کوئی موت بھی واقع نہیں ہوئی۔
ملک میں کرونا انفیکشن کے تشویش ناک مریضوں کی تعداد میں بھی کمی آ گئی ہے، گزشتہ چوبیس گھنٹوں کی رپورٹ کے مطابق ملک میں اس وقت تشویش ناک مریضوں کی تعداد 80 ہے۔
این آئی ایچ کے مطابق گزشتہ تین دنوں میں ملک میں 32 ہزار 68 کرونا ٹیسٹ کیے گئے، جن میں مثبت کیسز کی قومی شرح 0.43 رہی۔
COVID-19 Statistics 27 September 2022
Total Tests in Last 24 Hours: 8,634
Positive Cases: 39
Positivity %: 0.45%
Deaths: 00
Patients on Critical Care: 80— NIH Pakistan (@NIH_Pakistan) September 27, 2022
این آئی ایچ کے مطابق گزشتہ 24 گھنٹے کے دوران ملک میں 39 کرونا کیسز رپورٹ ہوئے، جب کہ ملک بھر میں 8634 کرونا ٹیسٹ کیے گئے، جن میں کیسز کی قومی شرح 0.45 فی صد رہی، 24 گھنٹوں کے دوران ملک میں کرونا سے کسی شخص کا انتقال نہیں ہوا۔
گزشتہ روز، 26 ستمبر کو ملک بھر میں 55 کیسز سامنے آئے، مثبت کیسز کی شرح 0.50 رہی، جب کہ 25 ستمبر کو 47 کیسز سامنے آئے، جن میں مثبت کیسز کی شرح 0.38 فیصد تھی۔
