اسلام آباد: اقوامِ متحدہ کے دباؤ پرحکومت نے جماعت الدعوہ سمیت متعدد تنظیموں کوکالعدم قراردے دیا گیا ہے۔
جماعت الدعوہ کا نام حکومت نے امریکی دباؤ پر کالعدم تنظیموں کی فہرست میں شامل کرلیا ہے۔ حکومت کی جانب سے جاری کی گئی نئی فہرست میں چوبیس تنظیموں کو کالعدم قرار دیا گیا ہے، نئی فہرست میں تحریکِ طالبان پاکستان، لشکر جھنگوی، حزب التحریر سمیت سپاہ محمد، سپاہ صحابہ، جیش محمد، جماعت الفرقان، ملت اسلامیہ اور خیرانساء انٹرنیشنل ٹرسٹ شامل ہیں۔
جمعیت الانصار، تحریکِ نفاذ شریعت محمد، لشکرِ طیبہ، تحریکِ جعفریہ اور اسلامی تحریک خدام الاسلامیہ، اسلامک اسٹوڈنٹس موومنٹ کو بھی شامل کیا گیا ہے جبکہ سنی تحریک کو زیرِنگرانی رکھا گیا ہے۔
