کراچی: صوبہ سندھ کے دارالحکومت کراچی میں شوہر نے بیوی کو گولی مار کر خودکشی کرلی، خاتون اسپتال میں زیر علاج ہیں۔
تفصیلات کے مطابق کراچی کے علاقے نیو کراچی سیکٹر ڈی 5 میں جھگڑے کے دوران شوہر کی فائرنگ سے بیوی زخمی ہوگئی۔
پولیس کا کہنا ہے کہ بیوی کو گولی مارنے کے بعد مبینہ طور پر شوہر نے خود کو بھی گولی مار کر خودکشی کرلی۔
- Advertisement -
پولیس کے مطابق گھر میں کسی بات پر میاں بیوی میں لڑائی چل رہی تھی، جھگڑے کے دوران شوہر نے اپنی بیوی کو پہلے گولی ماری، بیوی کو گولی مارنے کے بعد شوہر نے خود کو گولی مار کر خودکشی کرلی۔
پولیس کا کہنا ہے کہ شوہر کی شناخت وسیم کے نام سے ہوئی ہے جبکہ زخمی خاتون کی شناخت ثنا کے نام سے کی گئی ہے، خاتون اسپتال میں زیر علاج ہیں۔
