کراچی میں پولیس نے شہریوں کے جعلی انگوٹھے کے نشانات بنانے والے دو ملزمان کو گرفتار کر کے 12 لاکھ روپے نقد اور 250 سے زائد موبائل سمز برآمد کرلیں۔
انگوٹھے کے جعلی نشانات بنانے والا گروہ کافی عرصے سے نارتھ کراچی سیکٹر سیون سی میں دفتر بنا کر کام کر رہا تھا۔ پولیس نے آج کارروائی کرتے ہوئے دو ملزمان کو گرفتار کرلیا۔
پولیس کا کہنا ہے کہ گروہ نے جعلسازی کے لیے شہریوں کے انگوٹھے کے نشانات بنوا کر رکھے اور جعلسازی کے ذریعے بینک اکاؤنٹ سے رقم نکلوایا کرتا تھا، ملزمان کے کارندے بینک ملازمین سے بھی رابطے میں تھے۔
پولیس کے مطابق ملزمان سے 12 لاکھ روپے نقد، 250 سے زائد موبائل سم اور ڈپلیکیٹ انگوٹھے کے نشانات کی مہریں برآمد ہوئی ہیں۔
