اسلام آباد : یوٹیلیٹی اسٹورز پر دودھ ،چائے ،کوکنگ آئل، گھی سمیت متعدد اشیا مہنگی کردی گئیں۔
تفصیلات کے مطابق یوٹیلیٹی اسٹورز پر مختلف برانڈز کی قیمتوں میں اضافہ کردیا گیا اور اس حوالے سے نوٹیفکیشن بھی جاری کردیا۔
نوٹیفکیشن میں بتایا ہے کہ ایک لیٹر دودھ کی قیمت میں 20 روپے تک کا اضافہ ہوا ، جس کے بعد دودھ کی قیمت 197 سےبڑھ کر217روپےہوگئی۔
نوٹیفکیشن میں کہا گیا ہے کہ 450گرام چائےکی قیمت میں240 روپےتک مہنگی ہوگئی، چائے کی قیمت 508 سے بڑھ کر748 روپے تک جاپہنچی۔
اسی طرح 100 پیک کے ٹی بیگ کا پیکٹ282 روپے تک مہنگا ہوکر 298 روپے سے بڑھ کر 580 روپے کا ہوگیا۔
50گرام پشاوری قہوہ 45 روپے تک مہنگا کردیا گیا ، جس کے بعد پشاوری قہوہ 108 سے بڑھ کر 153 میں فروخت ہورہا ہے۔
ایک لیٹر برانڈ کا کوکنگ آئل 141 روپے مہنگا کر دیا گیا جبکہ مچھر مار لیکورڈ کی قیمت میں 19 روپے تک اضافہ کیا گیا۔
250 گرام شہد کی بوتل 38 روپے تک مہنگی ، 135گرام کا ٹوتھ پیسٹ 30روپے مہنگا ،نوڈلز کا چھوٹا پیکٹ 3 روپے ، 135 گرام کا ٹوتھ پیسٹ 30روپے ،نوڈلز کا چھوٹا پیکٹ 3روپے تک مہنگا ہوا۔
یوٹیلیٹی اسٹورز پر بیکنگ پاؤڈر، فیس کریم ،صابن ،شیونگ کریم ،شیشہ صاف کرنے کالیکورڈ بھی مہنگا کردیا گیا۔