پاکستان کے مایہ ناز آل راؤنڈر عبدالرزاق کے بیٹے علی رزاق بھی درخشاں ستارا اور ان کا مستقبل روشن نظر آ رہا ہے۔
نوجوان کھلاڑی نے اپنی کارکردگی سے لوگوں کی توجہ حاصل کر لی ہے۔ پاکستان جونیئر لیگ میں جہاں دیگر مستقبل کے اسٹارز نظر آرہے ہیں وہیں علی رزاق بھی اپنی صلاحیتوں کا لوہا منوا رہے ہیں۔
لیگ میں بہاولپور کی نمائندگی کرنے والے علی رزاق نے مردان واریئرز کے خلاف 44 رنز کی ذمہ دارانہ اننگز کھیلی جس میں 7 چوکے شامل تھے۔
- Advertisement -
دائیں ہاتھ کے بلے باز نے وکٹ کے چاروں جانب شاندار اسٹروکس کھیلے۔ پرُاعتماد انداز میں بیٹنگ کرنے والے نوجوان بلے باز کے خوب چرچے ہو رہے ہیں۔
سوشل میڈیا پر صارفین علی رزاق کی تعریف کرتے نظر آرہے ہیں اور انہیں مستقبل کا بہترین آل راونڈر قرار دے رہے ہیں۔
