وزیر اطلاعات سندھ شرجیل انعام میمن نے کہا ہے کہ سندھ حکومت بلدیاتی انتخابات کیلئےہروقت تیار ہے۔
اپنے بیان میں شرجیل میمن نے کہا کہ سندھ حکومت نے الیکشن کمیشن کو خط لکھا تھا رین ایمرجنسی کی وجہ سے نفری کم ہے لہذا بلدیاتی انتخابات 2 مرحلوں میں منعقد کرنےکی اجازت دی جائے۔
شرجیل میمن نے کہا کہ الیکشن کمیشن نےہماری تجویز منظور نہیں کی، الیکشن کمیشن قابل احترام ہے سندھ حکومت 23 اکتوبر کو بلدیاتی انتخابات کیلئےتیار ہے۔
الیکشن کمیشن کے اہم اجلاس میں ایک بار پھر کراچی کے بلدیاتی انتخابات ملتوی کرنے کا فیصلہ کیا ہے۔
الیکشن کمیشن نے 15 دن کے بعد اجلاس دوبارہ طلب کر لیا ہے، جس میں بلدیاتی الیکشن کی نئی تاریخ کا اعلان کیا جائے گا۔
وفاقی حکومت کے خط کے بعد سندھ کے بلدیاتی انتخابات کا دوسرا مرحلہ ملتوی کیا گیا، بلدیاتی انتخابات ملتوی کرنے کا فیصلہ چیف الیکشن کمشنر کی زیر صدارت اجلاس میں ہوا۔