کراچی : تحریک انصاف کے رہنما علی زیدی کا کہنا ہے کہ بلدیاتی انتخابات کے التوا پر پی ٹی آئی آج اگلے لائحہ عمل کا اعلان کرے گی۔
تفصیلات کے مطابق پی ٹی آئی رہنما علی زیدی نے اپنے بیان میں کہا کہ کراچی میں بلدیاتی انتخابات کو دوبار ملتوی کر دیا گیا، یہ الیکشن کمیشن کا کراچی کےعوام کے منہ پر طمانچہ ہے۔
علی زیدی کا کہنا تھا کہ سندھ حکومت اورالیکشن کمیشن کی طرف سے آئین کی کھلی توہین ہے، اگر آرٹیکل اے 140 کو لاگو کرنے کا کوئی ارادہ نہیں ہے تو اس کا کیا فائدہ؟۔
انھوں نے مزید کہا کہ پی ٹی آئی کراچی کی قیادت آج اپنے اگلے اقدامات کااعلان کرے گی۔
دوسری جانب رہنما تحریک انصاف حلیم عادل شیخ نے کہا کہ اپنی شکست کے پیش نظر کراچی کے بلدیاتی انتخابات ملتوی کئے گئے، الیکشن کمیشن سے ہمیں کوئی امید نہیں ،حلیم عادل شیخ
ہمیں عدلیہ سے امید ہے اور ہم نے ہمیشہ عدلیہ کا احترام کیا، این اے 237 میں پولیس،آر اوز کے ذریعے 15000 ووٹ چرائے گئے، اس کا فرانزک کرایا جائے ہم اس کے پیسے ادا کرنے کو تیار ہیں۔
