اسلام آباد : توشہ خانہ فیصلہ سنانے کے حوالے سے الیکشن کمیشن کی تیاریاں حتمی مرحلے میں داخل ہوگئیں ، چیف الیکشن کمشنر نے اہم اجلاس طلب کرلیا ہے۔
تفصیلات کے مطابق توشہ خانہ ریفرنس کا فیصلہ آج سنایا جائے گا ، چیف الیکشن کمشنراورچاروں ارکان الیکشن کمیشن پہنچ گئے۔
توشہ خانہ فیصلہ سنانے کے حوالے سے الیکشن کمیشن کی تیاریاں حتمی مرحلے میں داخل ہوگئی ہے۔
الیکشن کمیشن میں چیف الیکشن کمشنر نے اہم اجلاس طلب کرلیا ہے، جس میں انتظامیہ سیکیورٹی کے حوالے سے الیکشن کمیشن کو بریفنگ دی جائے گی۔
ڈپٹی کمشنر الیکشن کمیشن میں ہونیوالے اجلاس میں شرکت کریں گے، ڈی سی اسلام آباد الیکشن کمیشن حکام کو سیکیورٹی صورتحال پربریفنگ دیں گے۔
دوسری جانب ڈپٹی کمشنر اسلام آباد عرفان نواز میمن نے الیکشن کمیشن کا دورہ کیا اور سیکیورٹی کاجائزہ لیا۔
خیال رہے توشہ خانہ ریفرنس کے فیصلے کے موقع پر الیکشن کمیشن کی سیکیورٹی پررینجرز،ایف سی اورپولیس اہلکاربڑی تعداد میں تعینات کردی گئی ہے۔
اسلام آبادانتظامیہ نے آنسو گیس کےشیل بڑی تعداد میں الیکشن کمیشن پہنچا دیے اور غیر متعلقہ افراد کا داخلہ بند کردیا گیا ہے۔
