کراچی : پاکستانی کرنسی کے مقابلے میں امریکی ڈالر کی قدر میں مسلسل چار روز اضافے کے بعد کمی سامنے آئی ہے۔
تفصیلات کے مطابق انٹر بینک میں 12اکتوبر کو ڈالر کی قدر بڑھنے کا سلسلہ شروع ہوا تھا جس کے نتیجے میں 20 اکتوبر تک 2.87 روپے کا اضافہ ریکارڈ کیا گیا۔
اسٹیٹ بینک آف پاکستان کی جانب سے جاری کردہ اعداد و شمار کے مطابق انٹر بینک میں نئے کاروباری ہفتے کے پانچویں روز ڈالر کی قدر میں 11 پیسے کی کمی ہوئی ہے۔
Interbank closing #ExchangeRate for todayhttps://t.co/MEFYHY7w0K pic.twitter.com/79hgXLmjRd
— SBP (@StateBank_Pak) October 21, 2022
اسی طرح اوپن مارکیٹ میں جمعرات کے بعد جمعہ کو بھی ڈالر کی قدر میں کمی کا رجحان برقرار رہا اور ڈالر مزید 55 پیسے کی کمی سے 224.90 کی سطح پر آگیا، فاریکس ڈیلرز کے مطابق انٹر بینک میں ڈالر 220.95 سے کم ہو کر 220.84 روپے پر بند ہوا ہے۔
معاشی ماہرین کے مطابق ستمبر کے مہینے میں کرنٹ اکاؤنٹ خسارے میں نمایاں کمی، زرمبادلہ کے ذخائر میں گراوٹ کا سلسلہ رکنے اور ایشیائی ترقیاتی بینک کی جانب سے پاکستان کے لئے قرض منظوری کے نتیجے میں ڈالر کا پاکستانی روپے پر دباوٗ کم ہوگیا۔
