بھارت کے مقبول ٹیلی ویژن ڈرامے ’یہ رشتہ کیا کہلاتا ہے‘ کی اداکارہ ویشالی ٹھاکر کی آنکھیں عطیہ کر دی گئیں۔
میڈیا رپورٹس کے مطابق ویشالی ٹھاکر نے ہمیشہ اس خواہش کا اظہار کیا تھا کہ جب میں مر جاؤں تو میری آنکھیں کسی ضرورت مند کو عطیہ کی جائیں۔
ویشالی ٹھاکر کی فیملی نے ان کی یہ خواہش پوری کر دی۔ اداکارہ کی آخری رسومات سے قبل 16 اکتوبر کو ان کی آنکھیں عطیہ کی گئیں۔
فیملی نے بتایا: ’ویشالی کو اپنی آنکھیں بہت پسند تھیں۔ وہ اکثر کہتی تھیں کہ مرنے کے بعد آنکھیں عطیہ کروں گی۔ ڈسٹرک ہیلتھ حکام کو آنکھیں دی دیں۔ ویشالی کی خوبصورت آنکھوں سے کوئی ضرورت مند اس دنیا کو دیکھ سکے گا۔‘
یاد رہے کہ ویشالی ٹھاکر 16 اکتوبر کو علی الصبح اپنے گھر میں مردہ پائی گئی تھیں۔ خودکشی سے قبل انہوں نے ایک خط بھی لکھا تھا کہ سابقہ بوائے فرینڈ کافی عرصے سے ہراساں کر رہا تھا جس کی وجہ سے ذہنی تناؤ کا شکار رہی۔
