معروف گلوکارہ آئمہ بیگ نے آئی سی سی ٹی 20 ورلڈ کپ کی ٹرافی کے ساتھ اپنی تصویر شیئر کردی اور ساتھ ہی سب کو امید کا پیغام بھی دیا۔
معروف پاکستانی گلوکارہ آئمہ بیگ گزشتہ روز پاک بھارت ٹاکرا دیکھنے آسٹریلیا کے میلبرن کرکٹ گراؤنڈ پہنچیں، اس موقع پر انہوں نے میچ دیکھنے کے مختلف لمحات کی تصاویر شیئر کیں۔
اپنے کیپشن میں انہوں نے لکھا کہ تم جیتو یا ہارو ہمیں تم سے پیار ہے، پاکستان یہ ٹرافی گھر لے کر آئے گا۔
گلوکارہ کا کہنا تھا کہ میلبرن کے کرکٹ گراؤنڈ میں پاکستانی ٹیم کو کھیلتے دیکھنا ان کی زندگی کے بہترین تجربات میں سے ایک تھا۔
View this post on Instagram
انہوں نے لکھا کہ نتیجہ جو بھی رہے، دنیا کے سب سے بڑے کرکٹ گراؤنڈ میں ہونے کا احساس نہایت شاندار تھا۔
آئمہ کی ان تصاویر کو مداحوں کی بڑی تعداد نے لائیک کیا اور پاکستانی ٹیم کے لیے نیک تمناؤں کا اظہار بھی کیا۔