اسلام آباد : ماہانہ فیول ایڈجسٹمنٹ کی مد میں بجلی 9 پیسے فی یونٹ مہنگی کردی گئی، اضافے کا اطلاق لائف لائن ،کے الیکٹرک صارفین پر نہیں ہوگا۔
تفصیلات کے مطابق الیکٹرک پاور ریگولیٹری اتھارٹی (نیپرا) نے ماہانہ فیول ایڈجسٹمنٹ کی مد میں بجلی کی قیمت میں 9 پیسے فی یونٹ اضافہ کردیا۔
نیپرا کا کہنا ہے کہ بجلی صارفین پر ایک ارب 10 کروڑ روپے کا اضافی بوجھ پڑے گا اور اضافے کا اطلاق لائف لائن ،کے الیکٹرک صارفین پر نہیں ہوگا۔
چیئرمین نیپرا نے کہا کہ خوشی کی بات ہے ایندھن کی قیمتوں میں کمی کا فرق پڑرہا ہے ، یہ سلسلہ چلتا رہا تو آئندہ مہینوں میں بجلی سستی ہوگی۔
چیئرمین نیپرا نے ہدایت کی کہ ایل این جی کے زائد یا کم استعمال کا کمرشل آڈٹ کریں ، یہ دیکھیں کہ اس اقدام سے صارفین کو کیا فائدہ ہوا۔
