ایک برطانوی خاتون نے ٹوئٹر پر ایک دل دہلا دینے والی ویڈیو شیئر کی ہے، جس میں ایک بڑے سانپ کو خاتون مالکن پر حملہ کرتے دیکھا گیا۔
یہ ویڈیو سوشل میڈیا پر بڑی تیزی سے وائرل ہو گئی ہے، لاکھوں لوگوں نے اسے دیکھا اور شیئر کیا، اس میں دیکھا جا سکتا ہے کہ بڑے سے پالتو سانپ نے مالکن پر حملہ کر کے انھیں لہولہان کر دیا۔
خاتون نے شیشے کا باکس کھول کر سانپ کو باہر نکالنا چاہا تو سانپ نے اچانک اس کے بازو پر حملہ کر کے اس میں اپنے دانت گاڑ دیے، اور پھر ان کے بازو سے بری طرح لپٹ گیا۔
اس دوران ایک اور شخص خاتون کی مدد کو آ گیا، اور دونوں مل کر سانپ سے جان چڑھانے کی جدوجہد کرنے لگے، لیکن کافی دیر تک سانپ نے خود کو الگ نہیں ہونے دیا، سانپ خاتون کی ایک ٹانگ سے بھی لپٹ گیا تھا۔
This is the exact reason why I don't own a fucking great big snake 🐍 😱😱 pic.twitter.com/M1vP5wJiad
— The Ginger Ninja 🇬🇧🏴🏴 (@MrT4000) October 21, 2022
آخر کار مرد ساتھی نے لوہے کے ایک ہک والی راڈ سانپ کے منہ میں ڈال کر اس سے خاتون کا بازو چھڑایا، لیکن اسی لمحے بازو سے خون کی دھار بہہ نکلی، تاہم اس طرح سانپ سے خاتون کی جان چھوٹ گئی۔
I'm guessing she had been handling the rats she feeds the snake. The one time my 10ft girl got me on the arm I put her head under the cold water tap. She let go straight away. I had been handling rats ready to feed her so I smelled like dinner.
— Jacob '3 hen houses' Baikal (@BaikalJacob) October 22, 2022
ایک صارف نے اس پر تبصرہ کرتے ہوئے لکھا کہ میرا خیال ہے کہ خاتون سانپ کو کھلانے سے قبل چوہے تیار کرنے میں لگی ہوں گی، اس لیے سانپ کو وہ اپنا ’ڈنر‘ لگا۔ اگر میں ہوتا تو میں سانپ کے سر کو ٹھنڈے پانی میں ڈبو دیتا اور وہ بہ آسانی میرا ہاتھ چھوڑ دیتا۔
A friend of my daughter had a huge snake for years. It slept with her. She took it to vets as it started stretching out instead of sleeping in a curl. Vet said even after all these years it was measuring up to swallow her 🙈🙄
— Allie Elsayed (@alisonelsayed) October 22, 2022
ایک صارف نے واقعہ لکھا کہ میرے دوست کی ایک بیٹی کے پاس بڑا سانپ ہے، وہ اس کے ساتھ ہی بستر پر سوتا ہے، ایک دن اچانک وہ اسے جانوروں کے ڈاکٹر کے پاس لے گئی اور کہا کہ سانپ نے اچانک عجیب رویہ اختیار کر لیا ہے، وہ لپٹ کر سونے کی بجائے میرے برابر لمبا ہو کر لیٹا۔ تو ڈاکٹر نے بتایا کہ وہ دراصل خود کو ناپ رہا تھا کہ کیا میں اسے نگل سکتا ہوں۔
