ماسکو : روسی صدر ولادیمیرپیوٹن نے سعودی عرب کے ساتھ تعلقات کو مزید وسعت دینے کا اعلان کردیا۔
تفصیلات کے مطابق روسی صدر پیوٹن ماسکو میں سالانہ خطاب کے دوران براکس گروپ میں سعودی عرب کی شمولیت کی حمایت کرتے ہوئے کہا سعودی عرب سے تعلقات بڑھائیں گے۔
پیوٹن کا کہنا تھا کہ امریکہ کو چاہیے کہ شہزادہ سلمان کی عزت کریں، تیل کی قیمت نہیں منڈیوں میں استحکام ضروری ہے۔
روسی صدر نے امریکی عہدیداروں کے دورہ تائیوان کو اشتعال انگیزی قرار دیتے ہوئے کہا کہ تائیوان چین کا حصہ ہے، امریکی حکام کا دورہ جارحیت تھی، امریکا چین سے تعلقات خراب کرکے غلطی کر رہا ہے۔
ن کا مزید کہنا تھا کہ روس یورپ کادشمن نہیں،یورپ کیلئے کبھی بُری نیت نہیں رکھی، یورپ چاہے تو یوکرین کا مسئلہ پُر امن طور پر حل ہوسکتاہے،
پیوٹن نے کہا کہ اسٹریٹیجِک استحکام کے لیے امریکہ سے دوبارہ مزکرات کے لیے تیار ہیں لیکن مغرب کو کوئی حق نہیں کہ وہ سب کو اپنے راستے پر چلائے۔
روسی صدر نے واضح کیا کہ روس جوہری ہتھیار صرف ضرورت کے تحت استعمال کرے گا۔
