لاہور : پی ٹی آئی رہنما اسد عمر نے پارٹی سے اختلافات سے متعلق سوشل میڈیا پر وائرل ویڈیو کے حوالے سے چہ مگوئیوں کا جواب دے دیا۔
تفصیلات کے مطابق پی ٹی آئی رہنما اسد عمر نے سماجی رابطے کی ویب سائٹ ٹوئٹر پر اپنے پیغام میں کہا کہ لاہور کا کپتان سے اظہار یکجہتی اور حقیقی آزادی کا عزم دیکھ کر یہ گھبرا گئے ہیں۔
اسد عمر نے سوشل میڈیا پر وائرل ویڈیو سے متعلق چہ مگوئیوں کا جواب دیتے ہوئے کہا میرا ایک کلپ چلایا جارہا ہے کہ اختلافات ہوگئے ہیں، حقیقت یہ ہے کہ مجھے جنریٹر خراب ہونے پرغصہ تھا اور دوسرا آنے میں دیر ہورہی تھی۔
کل کے لاہور کا اپنے کپتان کے ساتھ اظہار یکجہتی اور حقیقی آزادی کا عزم دیکھ کر یہ گھبرا گئے ہیں. میرا ایک کلپ چلا رہے ہیں کے اختلافات ہو گئے. اللہ کے بندوں اس وقت مجھے غصہ اس بات پر تھا کے جنریٹر خراب ہو گیا تھا اور دوسرا آنے میں دیر ہو رہی تھی 😊 #حقیقی_آزادی_مارچ
— Asad Umar (@Asad_Umar) October 29, 2022
خیال رہے تحریک انصاف کاحقیقی آزادی مارچ کے دوسرے مرحلے کا آغاز ہوگیا ہے ، شرکاء کامونکی کے لئے روانہ ہوگئے ہیں۔
اس موقع پر پی ٹی آئی کے جھنڈوں کی بہار ہے اور شرکاء کے امپورٹڈحکومت نامنظور کے نعرے گونج رہے ہیں۔
شرکاء کا کہنا ہے کہ عمران خان سچا لیڈر ہے، اس لیے ساتھ دینے نکلے ہیں، جب تک واپسی کی کال نہیں ملے گی، تب تک نہیں لوٹیں گے۔
