لاہور : حقیقی آزادی مارچ کا نیا شیڈول جاری کردیا گیا ، جس کے مطابق مارچ اتوار کے روز جہلم پہنچے گا۔
تفصیلات کے مطابق تحریک انصاف نے حقیقی آزادی مارچ کا نیا شیڈول جاری کر دیا، جس کے تحت تحریک انصاف کا مارچ اتوار کے روز جہلم پہنچے گا۔
نئے شیڈول کےمطابق جہلم تک کا پلان جاری کیا گیا ہے ، مارچ آج چن داقلعے سے شروع ہو کر گوندالا والا باغ پر ختم ہوگا۔
- Advertisement -
جس کے بعد مارچ کل پنڈی بائی پاس سے شروع ہوکر گھکڑمنڈی پراختتام پذیر ہوگا ، جس کے بعد حقیقی آزادی مارچ جمعرات کو وزیرآباد سے گجرات تک کا سفر طے کرے گا۔
نئے شیڈول کے تحت جمعہ کے روز حقیقی آزادی مارچ گجرات سے لالہ موسیٰ تک جائے گا اور ہفتے کے روز لانگ مارچ کھاڑیاں سے سرائےعالمگیر پہنچے گا۔
اتوار کے روز حقیقی آزادی مارچ سرائےعالمگیر سے جہلم تک جائے گا۔
