اسلام آباد : تحریک انصاف کے لانگ مارچ کے پیش نظر وفاقی دارالحکومت کے تمام اسپتالوں کو ہائی الرٹ کرتے ہوئے عملے کےشہر چھوڑنے پر تاحکم ثانی پابندی عائد کردی۔
تفصیلات کے مطابق پی ٹی آئی کے حقیقی آزادی مارچ کے پیش نظر وفاقی دارالحکومت کے تمام اسپتالوں کو ہائی الرٹ کر دیا گیا ہے۔
ذرائع نے بتایا کہ اس حوالے سے وفاقی انتظامیہ نےسرکاری اور نجی اسپتالوں کومراسلہ ارسال کردیا، جس میں کہا ہے کہ لانگ مارچ کے پیش نظراسپتالوں کو ہائی الرٹ رکھا جائے۔
مراسلے میں اسپتالوں میں اضافی ادویات اور بیڈز کا بندوبست کرنے کی ہدایت کی گئی ہے۔
ذرائع کا کہنا ہے کہ ضلعی انتظامیہ نے پمز، پولی کلینک، کیپیٹل اسپتال کو مراسلہ لکھا ہے، مراسلہ نجی اسپتالوں، ڈی ایچ او کے نام لکھا گیا۔
سرکاری اسپتالوں میں عملے کی چھٹیاں منسوخ کی جا چکی ہیں اور وفاقی اسپتالوں کےعملے کے شہر چھوڑنے پر تاحکم ثانی پابندی عائد ہے۔
سرکاری اسپتالوں کے سینئر ڈاکٹرز کو آن کال دستیاب رہنے کی ہدایات کی گئیں ہیں، شعبہ ایمرجنسی، ہڈی جوڑ، جنرل سرجری، میڈیسن ،۔ نیوروسرجری،برن سینٹر،ای این ٹی کے سینئر ڈاکٹرزآن کال دستیاب رہیں گے۔
