اسلام آباد : پاکستان تحریک انصاف نے عمران خان پر قاتلانہ حملے کیخلاف ملک گیر احتجاج کا اعلان کردیا۔
تفصیلات کے مطابق تحریک انصاف کے رہنما اسد عمر نے سماجی رابطے کی ویب سائٹ ٹوئٹر پر اعلان کیا ہے لپ آج نمازجمعہ کےبعدملک بھرمیں احتجاج ہو گا، جب تک عمران خان کا مطالبہ پورا نہیں ہوتا ملک گیراحتجاج جاری رہے گا۔
آج نماز جمعہ کے بعد تمام ملک میں احتجاج ہو گا. جب تک عمران خان کا مطالبہ پورا نہیں ہوتا، ملک گیر احتجاج جاری رہے گا
— Asad Umar (@Asad_Umar) November 4, 2022
گذشتہ روز سیکریٹری جنرل اسد عمر نے بتایا کہ عمران خان کا کہنا ہے کہ اطلاعات تھیں اسی لیے کہہ رہا ہوں 3 لوگوں نے حملہ کرایا، مطالبہ ہے تینوں لوگوں کو اپنے عہدوں سے ہٹایا جائے، شہباز شریف سمیت 3 افراد کو عہدوں سے نہیں ہٹایا گیا تو پھر ملک گیر احتجاج ہوگا۔
اسد عمر کا کہنا تھا کہ ایسا نہیں ہو سکتا کہ پاکستان ان ہی حالات کے ساتھ چلتا رہے، عمران خان نے یہ پیغام پوری قوم کے لیے دیا ہے، عمران خان نے جب بھی کال دی تو ملک بھر میں احتجاج شروع ہو جائے گا، عمران خان کے مطالبے پر عمل نہ کیا گیا تو احتجاج کی کال دی جائے گی۔