پشاور:امیر جماعتِ اسلامی سراج الحق کا کہنا ہے کہ اگر حکومت نے قبائلی عوام کے مطالبات تیس دن میں تسلیم نہ کیے تو اسلام آباد میں دھرنا دیا جائے گا۔
پشاور میں قبائلی جرگےکے بعد پریس کانفرنس کرتے ہوئے امیر جماعتِ اسلامی سراج الحق نے کہا ہے کہ قبائلی عوام نے ہمیشہ ملک و قوم کی خاطر قربانی دی ہیں، حکومت قبائلی عوام کے مطالبات سنے اور تسلیم کرے ورنہ اسلام آباد میں دھرنا دینگے۔
امیرِجماعت اسلامی سراج الحق نے کہا ہے کہ اگر قبائلی عوام آج مصیبت میں نہ ہوتے تو بھارت سرحدی حدود کی خلاف ورزی نہ کرتا، قبائلی عوام نے ہی کشمیرکو آزاد کرایا تھا۔
- Advertisement -
سراج الحق کا کہنا تھا کہ اسلام آباد کی غلط پالیسیوں کی وجہ سے مسائل بڑھ رہے ہیں، امیرجماعتِ اسلامی نے مزید کہا کہ تمام سیاسی جماعتوں کو مفادات سے بالاتر ہوکر قبائلی عوام کے مسائل حل کرنا چاہئے۔
