قومی ٹیم کے آل راؤنڈر محمد نواز نے اہم ترین میچ سے قبل بیان جاری کردیا ہے۔
تفصیلات کے مطابق ایک بیان میں قومی ٹیم کے آل راؤنڈر نے کہا کہ مینجمنٹ نے پوری ٹیم کا مورال بلند رکھا ہوا ہے اور ہم اپنے اگلے میچ پر فوکس کیے ہوئے ہیں۔
سیمی فائنل تک رسائی کے حوالے سے محمد نواز نے کہا کہ امید ہے اگر کوئی نتیجہ ہمارے حق میں ہو جائے تو ہم آگے جا سکتے ہیں۔
قومی ٹیم کے آل راؤنڈرکا کہنا تھا کہ پروٹیز کے خلاف فتح بہت ضروری تھی،اب ہماری نظریں اگلے میچ پر مرکوز ہیں۔
محمد نواز نے پروٹیز کے خلاف شاداب خان اور افتخار احمد کی بیٹنگ کو لاجواب قرار دیتے ہوئے کہا کہ جلد وکٹیں گرنے کے بعد دونوں نے عمدہ کھیل پیش کرتے ہوئے پاکستان کے لئے فتح کی بنیاد ڈالی۔
واضح رہے کہ گذشتہ روز بارش سے متاثرہ میچ میں پاکستان نے جنوبی افریقا کو 33 رنز سے شکست دی تھی، پاکستان کی جانب سے محمد نواز نے 28 رنز کی ذمہ دارانہ اننگز کھیلی۔
