لاہور : چیئرمین پی ٹی آئی عمران خان پر حملے کیخلاف احتجاج کرنے پر پی ٹی آئی رہنماؤں کیخلاف مقدمات درج کرلئے گئے۔
تفصیلات کے مطابق چیئرمین پی ٹی آئی عمران خان پر حملے کیخلاف احتجاج کرنے پر پی ٹی آئی رہنماؤں کیخلاف مقدمات درج کرلئے گئے۔
پولیس کی مدعیت میں 24 نامزد ملزمان کیخلاف تھانہ آئی نائن میں مقدمہ درج کر لیا گیا، نامزد پی ٹی آئی رہنماؤں میں علی احمد اعوان ، عامر محمود کیانی ،واصف قیوم اور چودھری شعیب شامل ہیں۔
ایف آئی آر نے کہا کہ ملزمان نے پولیس سے مزاحمت کی اور سرکاری املاک کو نقصان پہنچایا۔
مقدمے میں کہا گیا کہ ملزمان نے پولیس اور ایف سی اہلکاروں پر ڈنڈوں اور سوٹوں پتھروں سےحملہ کیا، ملزمان کے پتھراؤ سے9 ایف سی اور5 پولیس ملازمین زخمی ہوئے۔
احتجاج کرنے پر پولیس نے 30 افراد کو گرفتار کر رکھا ہے۔
