وزیر آباد: پاکستان تحریک انصاف کے چیئرمین عمران خان نے خود پر ہونے والے قاتلانہ حملے میں جاں بحق کارکن معظم کے بچوں کی کفالت کا اعلان کر دیا۔
مقتول معظم کے اہل خانہ عمران خان سے ملاقات کے لیے لاہور روانہ ہوگئے۔ عمران خان کی خواہش پر والدہ، تینوں بچوں اور بھائی کو شوکت خانم اسپتال پہنچایا جائے گا ۔
پی ٹی آئی راہنما فواد چوہدری اور حماد اظہر مقتول کے لواحقین کو اپنے ساتھ لے گئے۔ پارٹی کی طرف سے معظم کے اہل خانہ کے لیے 60 لاکھ روپے کی مالی امداد دی گئی۔
حماد اظہر نے مقتول معظم کے والد نواز گوندل کو چیک پیش کیے۔
عمران خان مقتول معظم کے لواحقین کی مزید مالی معاونت کریں گے جبکہ انہوں نے مقتول کے بچوں کی کفالت کا بھی اعلان کیا ہے۔
Comments
- Advertisement -
