ممبئی: بالی وڈ کی معروف اداکار جوڑی عالیہ بھٹ اور رنبیر کپور والدین بن گئے۔ ان کے ہاں بیٹی کی پیدائش ہوئی ہے۔
عالیہ بھٹ نے اس خوشخبری کو سب سے پہلے انسٹا گرام پر اپنے مداحوں کے ساتھ شیئر کیا۔ انہوں نے لکھا کہ زندگی کی سب سے اچھی خبر ہے کہ میں ماں بن گئی ہوں۔
اداکارہ کی انسٹا گرام پوسٹ کے بعد مداحوں اور دیگر فنکاروں کی جانب سے مبارکبادوں کا تانتا بندھ گیا۔ انسٹا گرام پوسٹ کو اب تک 26 لاکھ سے زائد لوگ پسند کر چکے ہیں۔
View this post on Instagram
- Advertisement -
اداکار انیل کپور نے اس پر لکھا کہ کیا زبردست خبر ہے، عالیہ اور رنبیر کو مبارکباد پیش کرتا ہوں، تم دونوں کے لیے اس سے زیادہ خوش نہیں ہو سکتا۔
ملائکہ اروڑا نے مبارکباد دیتے ہوئے لکھا کہ مجھ سے چھوٹی عالیہ کو دیکھنے کا انتظار نہیں ہو پا رہا۔ اسی طرح دیگر فنکاروں کے تبصرے جاری ہیں۔
