اسلام آباد : سپریم کورٹ نے 24 گھنٹے میں پی ٹی آئی چیئرمین عمران خان پر حملے کی ایف آئی آر درج کرنے کا حکم دے دیا۔
تفصیلات کے مطابق سپریم کورٹ میں پی ٹی آئی چیئرمین عمران خان توہین عدالت کیس کی سماعت شروع ہوئی، چیف جسٹس کی سربراہی میں 5رکنی بینچ نے کیس کی سماعت کی۔
چیف جسٹس پاکستان نے کہا کہ آئی جی پنجاب بتائیں کتنے وقت میں حملےکی ایف آئی آر ہوگی، آئی جی پنجاب بتائیں کتنے وقت میں ایف آئی آر ہوگی۔
چیف جسٹس کا کہنا تھا کہ ایف آئی آرمیں تاخیر ہورہی ہے تو مطلب شواہد ضائع ہو رہے ہیں، عدالت فوجداری نظام انصاف بلا رکاوٹ چلانے کو یقینی بنائے گی۔
جسٹس عطابندیال نے مزید کہا کہ یہ عدالتی ذمہ داری ہے، صوبائی حکومت کا مختلف مؤقف ہو بھی تب بھی پولیس قانون کے مطابق کارروائی کرے۔
سپریم کورٹ نے 24 گھنٹےمیں عمران خان پرحملے کی ایف آئی آر درج کرنے کا حکم دے دیا اور کہا پولیس اور آئی جی پنجاب کوعدالت تحفظ دیں گے۔
